Фото: Ашық дереккөзден

Қаржы вице-министрі Ержан Біржановтың сөзінше, банкроттар тізіміне күн сайын 100-200 адам қосылуда. Қазірдің өзінде банкрот деп танылуы мүмкін 10 мыңнан астам адам бар. 

– Мен статистиканы күн сайын қарап отырмын. Банкроттардың тізіміне 100-200 адам қосылып отырады. Қазір біз осы бойынша жұмыс істеп жатырмыз. Бүгінде банкрот деп танылуы мүмкін 10 мыңнан астам адам бар. Олар тізімге біртіндеп қосылады, – деді Біржанов журналистер алдында сөйлеген сөзінде. 

Қазақстан бойынша сот шешімінен тыс өзін банкрот деп тануды сұрап 65 мың адам өтініш берген. 

Банкроттық туралы заң биыл 3 наурыздан бастап күшіне енген.